(2026.10.27 Thalam- ) ‘அர்னாப்’ (Anarab) சூறாவளி புயலால் நாட்டின் 12 மாவட்டங்களில் பலத்த மழை பெய்து வருகிறது. இதன் காரணமாகஇ இன்று பள்ளிகளுக்கு விடுமுறை அளிக்க சம்பந்தப்பட்ட அதிகாரிகள் உத்தரவிட்டுள்ளனர். செப்டம்பர் 22, 2026 முதல், வானிலை தொடர்பான சம்பவங்களால் நேற்று வரை 12 பேர் உயிரிழந்துள்ளனர்.
இலங்கையின் வடக்கு கிழக்கு, தெற்கு மற்றும் தென்மேற்குப் பகுதிகளில், வரும் நாட்களில் மிக பலத்த மழை பெய்யக்கூடும் என்று வானிலை ஆய்வு மையம் முன்னறிவித்துள்ளது.Disaster Management Centre நேற்று மாலை 6.00 மணிக்கு வெளியிட்ட அறிவிப்பின்படி, 21 மாவட்டங்களைச் சேர்ந்த 2,826 குடும்பங்களைச் சேர்ந்த 10,545 பேர் மோசமான வானிலையால் பாதிக்கப்பட்டுள்ளனர்.
கேஹல்கமு ஓயாவின் (Kehalgamu) நீர்மட்டம் உயர்ந்ததால், நேற்று காலை பொகவந்தலாவ பகுதியில் வெள்ள அபாயம் ஏற்பட்டது. பொகவந்தலாவையின் தாழ்வான பகுதிகள் நீரில் மூழ்கியுள்ளதாக காவல்துறையினர் தெரிவித்தனர்.
கொட்டியகல தோட்டத்திலிருந்து பெருக்கெடுத்து வந்த மழைநீரால் பல வீடுகள் நீரில் மூழ்கின. ஹட்டன் நகரிலும் இதேபோன்ற வெள்ள அபாயம் ஏற்பட்டது. இது அப்பகுதி மக்களின் இயல்பு வாழ்க்கையைப் பாதித்தது.
நீர்ப்பாசனத் துறையின் தகவல்படி, 17 பெரிய நீர்த்தேக்கங்கள் நிரம்பி வழிந்து கொண்டிருக்கின்றன. இதில் ஹம்பாந்தோட்டையில் உள்ள திஸா வெவ மற்றும் யோதா வெவ , குருணாகலில் உள்ள தெதுரு ஓயா , அநுராதபுரத்தில் உள்ள ராஜங்கன வெவ மற்றும் யான் ஓயா ஆகியவை அடங்கும். இது தவிர, நடுத்தர அளவிலான 13 நீர்த்தேக்கங்களின் மதகுகளும் திறந்து விடப்பட்டுள்ளன.
இணைந்திருங்கள்