மட்டக்களப்பின் முன்னணி இயக்குனர்களில் ஒருவராகத் திகழும் Kishanth Kisha கி.கிஷாந்த், சமூகம் சார்ந்த அவரின் பல படைப்புகளுக்காக தேசிய மட்டத்தில் பல விருதுகளைப் பெற்றவர். அவரது படைப்புகள், பல்வேறு சமூக, கலாச்சார மற்றும் அரசியல் பிரச்சினைகளை ஆழமான முறையில் ஆய்வு செய்கின்றன.
இதன் தொடர்ச்சியாக, 2024 ஆம் ஆண்டு ஆகஸ்ட் 8 ஆம் திகதி, இலங்கை பொதுமக்கள் பாதுகாப்பு அமைச்சின் கேட்போர் கூடத்தில் நடைபெற்ற விழிப்புணர்வுக் குறும்படப் போட்டியில், கிஷாந்த் எழுதி இயக்கிய குறும்படமான *”Free”இரண்டாம் இடத்தைப் பெற்றது. இந்த போட்டி, USAID நிறுவனத்தின் நிதி அனுசரணையுடன் சேவ் நிறுவனம் (SAFE FOUNDATION) மற்றும் இலங்கையின் குடிவரவு – குடியகழ்வு திணைக்களம் இணைந்து நடத்தியது.
இந்த நிகழ்வு, சமூக பிரச்சினைகளுக்கு எதிராக மக்களிடத்தில் விழிப்புணர்வை ஏற்படுத்தும் நோக்கத்துடன் நடத்தப்பட்டது. கிஷாந்தின் குறும்படம் அதன் ஆழமான கருத்தாக்கம், உருக்கமான கதையம்சம் மற்றும் கலைநயமான செயற்கைத்திறத்தினால் முதன்மை பெற்றது. இதன் மூலம், அவர் சமூதாயத்தில் முக்கியமான மாற்றங்களை உருவாக்கும் தனது ஆவலை மீண்டும் ஒருமுறை நிரூபித்துள்ளார்.
கடந்த காலங்களில் அவரது படைப்புகள், சமூகத்தின் அடிநிலையில் உள்ளவர்களின் வாழ்வியல் நெருக்கடிகளை வெளிப்படுத்தி பாராட்டைப் பெற்றதுடன், இவ்விருதும் அவரது சாதனைகளின் தொடர்ச்சியை உறுதிப்படுத்துகிறது. கி. கிஷாந்தின் சமூக அக்கறையும், சினிமா மீதான அவரது அர்ப்பணிப்பும், எதிர்காலத்தில் மேலும் பல சாதனைகளை அடைய வழிவகுக்கும் என்பது உறுதி
இணைந்திருங்கள்